Балалардың қызығушылықтарын арттыру, қол моторикасын дамыту мақсатында ақпан айының 23 күні түрлі-түсті қағаздардан топтар арасында көбелектер жасау сабағы жүргізілді.  

Бүгін, яғни ақпан айының 22 күні «Бәйтерек» орталығының мамандары мен тәрбиешілері балалармен бірігіп апталық жоспарға сәйкес «Алғыс айту» күніне арналған қабырға газетін салу сабағын өткізді. Әр топтар өздеріне берілген тапсырмаларын ойдағыдай орындап шықты.

Алматы облысының жұмыспен қамтуды үйлестіру және әлеуметтік бағдарламалар басқармасының «Бәйтерек» күндіз болу орталығы» коммуналдық мемлекеттік мекемесінде ақпан айының 19 күні коммуникативтік дағдыларын жетілдіру. Қақтығыс және оны шешу жолдарын қарастыру. Яғни бір мәмлеге келу тәсілдерін қалыптастыру мақсатында психолог маманы Тілеуқанова Айым Нұрланқызы «Қақтығыс және оның алдын-алу жолдары» жайлы ұжым арасында тренинг өткізді.

Баланың ұсақ қол моторикасын дамыту, түстерді, пішіндерді ажыратып үйрету мақсатында жай қарапайым қолданыстағы заттарды қолдана отырып, дамыту сабағы өткізілді. Қарапайым қағазды умаждау, қыртысын жазу, жырту арқылы баланың қол моторикасын дамытып, қарапайым нұсқауларды ал, жырт, түзет. т. б. үйретуге болады және қағаз бетіне сызылған сызықтар бойымен пішінді қозғалту арқылы баланың көріп, ойлау қабілетін, зейінін дамытады. Жұмыртқаның қағазына түрлі-түсті пішіндерді жабыстырып, пішіндерді және олардың түстерін ажыратып үйренуге болады. Бұндай қолданыстағы қарапайым заттардан жасалған дамыту жұмыстарды балалардың түзету сабағына қызығушылығын арттырып қана қоймай бұл түзету жұмыстарын үй жағдайында да жасауға болатынын білдіреді.