12.05.2022 ж «Жұлдыз» тобының тәрбиешісі Сагимбаева Б.А. топтық түзете – дамыту жұмысын жүргізді. Мақсаты: Балаларға ермексаздың тұтас немесе бірнеше бөліктерін қосып,   оларды біріктіруге, оңай заттарды мүсіндеуге, оларды бөлшектермен толықтыруға үйрету.  

Мамыр айының 5 күні «Бәйтерек» күндіз болу орталығында 9 мамыр Жеңіс күніне арналған «Жілбіре, Жеңіс туы» тақырыбында мерекелік іс – шара өткізілді. Бұл мерекелік іс – шараны орталықтың қызмет алушы балалары мен мамандары Ұлы Жеңіске арналған шағын көрініспен ашты. Көрініс 1941 – 1945 жылғы соғыстың бастауымен ата – бабамыздың фашистермен соғысып Ұлы Жеңіске жеткен кезі   көрсетілді. Көрініске орталықтың мамандары мен балалары ат – салысып қатысты. Мерекелік іс – шарада қолдау көрсетіп, ерік – жігерлерін көтеру үшін әскерлерге арналған соғыс әндер де шырқалды.        

Сәуір айының 29 күні «Бәйтерек» күндіз болу орталығында 1-мамыр Бірлік және Ынтымақ күніне арналған «Ұлттар достығы» тақырыбында мерекелік ертеңгілік өткізілді. Халықаралық Ынтымақ күніне музыка залы шарлармен, түрлі – түсті қағаздан жасалынған әдемі гүлдермен безендірілді. Бүгінде, Қазақстан Республикасының бір шаңырағының астында шоғырланған түрлі ұлттардың бар екені баршамызға мәлім. Осы әрбір ұлттық   мәдени орталықтардың дәстүрімен таныстыруға мекеменің мамандары мен қызмет алатын балалары мерекеде би билеу арқылы әр ұлттың киімдерін, қимыл қозғалыстарын таныстырып өтті. 1 – мамыр Қазақстан Халықтарының бірлігі күніне арналған мерекелік ертеңгілік осылайша қызықты да көңілді өткізілді.

City Plus комплексі Kino5XX Taldykorgan кинозалының демеушілігімен бүгін мекемеде қызмет алатын   балалар мен ата – аналар және мамандар «Братцы кролики: пасхальный переполох» мультфильмін тамашалап қайтты. Осындай ерекше балаларға мейірімділік танытып, демеушілік жасаған @kino_tdk_official ұжымына алғыс білдіреміз! Әрдайым игі істеріңіз молая берсін! Балалардың көңілдеріне қуаныш сыйлай беріңіздер!  

Сәуір айының 27 күні «Бәйтерек» күндіз болу орталығының психолог мамандары Конкабаева Б.М. мен Тілеуқанова А.Н. балаларға «Сыйқырлы суреттер» тақырыбында тренинг өткізді. Тренинг мақсаты: балалардың ойлау, көріп қабылдауын дамыту мақсатында сандардан белгілі бір сурет шығаруға болатыны туралы көрсетілді.