Алғыс-адамның адамға жасаған жақсылығы, көмегі, көңілі үшін ризашылық білдіруі, сондай-ақ оның ойы мен іс-әрекетіне, жасаған істеріне жоғары баға беруі.
Бүгін 2021 жылдың ақпан айының 26 жұлдызында «Бәйтерек» күндіз болу орталығында «Алғысым шексіз» тақырыбында дөңгелек үстел өткізілді. Дөңгелек үстелде мекеме директоры Ұлбосын Кенесбаевна Сейдахметова жылы лебізін білдіріп, алғысын айтты. Артынша неше жылдық еңбектері сіңген орталықта адал қызмет атқарған 3 қызметкерлер мен 1 ата-ананы марапаттады. Психолог маманы А. Нұрланқызына балаларға арналған гемисфералық тақта сыйлады. Сонымен қатар Омарбаева Дильфируза мен Серікханұлы Мирас өздерінің дайындап келген әндерін орындап шықты. Артынша «Жігер» мен «Өркен» тобының балалары шулы аспапта ойнап, көрермендерге жақсы көңіл-күй сыйлады. Дөңгелек үстелде психологиялық тренингте жүргізілді. Еліміздегі карантинге байланысты арнаулы әлеуметтік қызмет алатын балаларымыз ата-аналарымен бірігіп орталықтың қызметкерлеріне еңбектерін бағалап алғыстарын видео ролик арқылы онлайн түрінде жолдады.
«Алғысым шексіз» атты дөңгелек үстел ойдағыдай аяқталды.
